
๐๐ฆ๐๐๐ก, ๐ก๐ฎ๐ด๐ธ๐ฎ๐๐๐ป๐ฑ๐ผ ๐๐ฎ ๐บ๐ฎ๐ ๐ ๐ฎ๐๐ถ๐ฏ๐ฎ๐ ๐ป๐ฎ ๐ฃ๐ฟ๐ผ๐๐ฒ๐ธ๐๐ถ๐๐ผ๐ป ๐ฝ๐ฎ๐ฟ๐ฎ ๐๐ฎ ๐ ๐ถ๐ด๐ฟ๐ฎ๐ป๐ ๐ช๐ผ๐ฟ๐ธ๐ฒ๐ฟ๐; ๐ ๐ฎ๐ธ๐ฎ๐๐ฎ๐ฟ๐๐ป๐ด๐ฎ๐ป ๐ฎ๐ ๐๐ถ๐ด๐๐ฎ๐ ๐ป๐ฎ ๐ฅ๐ฒ๐ฐ๐ฟ๐๐ถ๐๐บ๐ฒ๐ป๐, ๐๐๐๐๐๐น๐ผ๐ป๐ด ๐๐ฎ ๐ฅ๐ฒ๐ต๐ถ๐๐ผ๐ป
Photo credit : Joan Bondoc/PNA
MANILA, Pilipinas (DMW News release) โ Pinagtibay ng mga lider ng Association of Southeast Asian Nations (ASEAN) noong Nobyembre 15, 2026 ang Declaration on Fair, Safe, Ethical and Sustainable Recruitment for Empowered Migrant Workers sa ika-49 na ASEAN Summit, bilang bahagi ng sama-samang pagsisikap na labanan ang illegal recruitment, human trafficking, at iba pang uri ng pananamantala sa mga manggagawang nangingibang-bansa. Bunga ng halos dalawang taong konsultasyon at talakayan ng mga bansang kasapi, nakatuon ang deklarasyon sa pagpapalakas ng transparency at accountability sa recruitment, kabilang ang pagkilala sa mga umiiral na sistema ng regulasyon at paglilisensya ng bawat bansa.
Ayon kay Migrant Workers Secretary Hans Leo J. Cacdac, mahalagang magkaroon ng pagkilala at pagtitiwala sa mga proseso ng recruitment sa buong rehiyon upang matiyak na lehitimo ang mga ahensiya at employer na kumukuha ng mga manggagawa. Kabilang dito ang paglilisensya ng recruitment agencies, pagproseso ng mga kontrata sa Department of Migrant Workers (DMW), at pagtiyak na may wastong work visa ang mga manggagawa. โHindi lamang ito tungkol sa pagkilala sa ating mga proseso. Dapat ay may tiwala rin tayo sa mga employer na kumukuha ng ating mga manggagawa. Kailangang masuri kung lehitimo ang kanilang operasyon, maayos ang kanilang katayuan, at may kakayahan silang tiyakin ang proteksyon ng ating mga kababayan,โ diin ni Secretary Cacdac.
Kabilang din sa mga isinusulong ng deklarasyon ang pagpigil sa labis na placement fees, pagbibigay ng sapat na impormasyon bago ang deployment, at pagpapahusay ng mga mekanismo sa pagtugon sa reklamo at pagbibigay ng legal na tulong sa mga migrant worker. โDapat alam ng ating mga manggagawa ang kanilang papasukang trabaho at ang kalagayan sa bansang kanilang pupuntahan bago pa man sila umalis ng Pilipinas. Hindi dapat sila nangangapa pagdating sa ibang bansa. Kailangan nilang maging handa at may sapat na impormasyon tungkol sa kanilang mga karapatan at mga mekanismo ng proteksyon,โ dagdag ng kalihim. Inaasahang magsisilbing gabay ang deklarasyon sa pagtutulungan ng mga bansang ASEAN upang mapanatili ang makatarungang recruitment at matiyak na may malinaw na paraan para makahingi ng tulong at makamit ang hustisya ang mga manggagawang nakararanas ng pang-aabuso.

