Café Cacao nagbukas na sa Paris
PARIS, France — Finally, matitikman na ang inuming tsokolate mula sa Philippine cacao sa Paris. Noong July 24, 2026 nagribbon cutting at nagbukas ang Café Cacao na pinangunahan ng mga may ari na sina Laarni Millar Kenskiller, Michael Pillot at Cesar Molina. Panauhing pandangal sina Philippine Ambassador Eduardo José de Vega at Phil. Trade and Investment Center in Paris Commercial Counsellor Katrina Banzon. Dumalo rin ang ilang community leaders at mga kababayan na sumuporta sa bagong tambayan ng mga Pinoy.
Ipinagmalaki ng Café Cacao ang rich flavors at signature cacao creations tulad ng Sikwate na 100% pure Philippine tablea, Tsokolate ah -traditional light hot chocolate made with water, Tsokolate eh – thick and creamy tablea chocolate at Latte Sikwate – sikwate with your choice of milk. Meron din silang cold drinks tulad ng Sikwate Glace 100%, Choffee Glace, LatteMatcha glace at marami pang iba. Of course, champion din ang flavorful cacao tea at maging alcohol drinks.
"Congratulations to Café Cacao, this is an excellent way to promote our products. I’m sure that not only our kababayans but also the French when they try this product they will realize gaano kasarap ang cacao galing Pilipinas. Mabuhay” masayang pagbati ni Phil Ambassador Eduardo José de Vega.
Para kay PTIC head Katrina Banzon magandang balita ito para sa mga agricultural products ng Pilipinas.
“In France we’ve been seeing more and more agricultural products here and we’re very happy the trade between France and the Philippines is growing”, aniya. Ang French na si Philip at asawa ng isang Pinay masaya sa coffee at chocolate ng Pinoy. “I tasted the coffee very good and I tasted the chocolate very good masarap Talaga.”
Ang Café Cacao ay naitayo sa pagsusumikap ni Cesar Molina na madala sa France ang produkto ng cacao mula General Santos City, South Cotobato. Ang tablea ay gawa sa Pilipinas ng Don Ricardo Chocolates, isang Filipino chocolate brand at partner ng Café Cacao Paris.Nauna muna nagtayo si Cesar ng Don Ricardo Café sa Manila.
“We explored the idea to bring initially sa Manila and then dalhin sa Europe where I’m based. And to give better lives to the farmers and help create sustainable market oppurtunitites for their harvests.”
Ayon kay Laarni (co-owner), bukod sa Café Cacao bar layunin din nila maipamahagi ang Philippine cacao sa ibat ibang businesses sa France at iba pang lugar ng Europe at ang Café Cacao ang magsisilbing showroom para sa mga buyers ng cacao products.
“Naisip naming na it has a broad market so ang pinakatarget din namin ay to distribute kasi ang gusto namin ay magsusupply kami sa mga tao.”
Ang French partner nila na si Michael ay umaasa na mas makikilala nya ang mga magagandang katangian ng mga Pinoy.
“I believe this is a beautiful project and I don’t really know much about the Philippines that’s why I decided to venture in this business so that I’ll know more about them.”
Ang pagbubukas ng Café Cacao ay simula ng magandang kalakalan tungo sa ikauunlad at paglikha ng ng sustainable market opportunities para sa local na magsasaka ng Pilipinas particular sa Mindanao.
